गैंडाकोटमा मानसिक शान्तिका लागि ध्यान

गैंडाकोट । मानसिक शान्ति र आत्म–अनुशासनलाई प्रोत्साहन गर्ने उद्देश्यले गैंडाकोट–५ स्थित सहमतिको सभा हलमा मानसिक शान्तिका लागि ध्यान विषयक विशेष ध्यान कार्यक्रम आजदेखि सुरु भएको छ। कार्यक्रम  सहमति,  गैँडाकोट नगरपालिका वडा नम्बर ५, बह्माकुमारी  राजयोग सेवा केन्द्र र समाज सेवा प्रभाग, नारायणगढको संयुक्त  आयोजनामा भएको थियो यो ध्यान शिवीर आजदेखि ३ दिनसम्म हुने सहमतिका अध्यक्ष होमनाथ सुवेदीले बताउनुभयो । 

गैँडाकोट नगरपालिकाका नगरप्रमुख मदनभक्त अधिकारीले ध्यान र ज्ञानले व्यक्तिलाई इश्वरिय शक्ति र मनको शान्ति प्राप्त गर्नमा  मद्त गर्ने बताउनुभयो ।  

बरिष्ठ राजयोग प्रशिक्षक, बह्मकुमार विजयराज सिग्देलले ध्यान विधि, आत्म–अनुशासन र मानसिक शान्तिका उपायहरूबारे प्रशिक्षण दिँदै नियमित ध्यान अभ्यासले स्वास्थ्य, सम्बन्ध र समाजमा सकारात्मक परिवर्तन ल्याउने बताउनुभएको थियो । 
सो अवसरमा गैँडाकोट ५ का वडाध्यक्ष रत्नप्रसाद सापकोटा, गैँडाकोट ६ का वडाध्यक्ष शुभाष चापाँगाई, समाज सेवा प्रभाग, नारायणगढका अध्यक्ष अर्जुन श्रेष्ठ, क्षेत्रिय अध्यक्ष लगायतले आधुनिक जीवनशैलीमा बढ्दो तनाव, अशान्ति र हताशालाई ध्यानमार्फत नियन्त्रण गर्न सकिने उल्लेख गर्दै यसप्रकारका कार्यक्रमहरू निरन्तर सञ्चालन गर्नुपर्ने आवश्यकता बताउनुभएको थियो ।

कार्यक्रमको आयोजन युवा क्लब, सामाजिक संस्था, धार्मिक समूह तथा स्थानीय सक्रिय युवाहरुको पहलमा गरिएको थियो। कार्यक्रममा समाजका विभिन्न क्षेत्रका सहभागीहरूले ध्यान, आत्मशान्ति, मानसिक स्वास्थ्य, सकारात्मक सोच र तनावमुक्त जीवनशैलीबारे जानकारी लिएका थिए।