विजय साुदायिक शिक्षा सदनद्धारा कक्षा ११ का विद्यार्थीलाई स्वागत एवं १२ का लाई विदाइ

२०८२ भदौ १३ शुक्रबार १८:३९:०० मा प्रकाशित

विजय सामुदायिक शिक्षा सदनले कक्षा ११ का विद्यार्थीलाई स्वागत तथा कक्षा १२ का विद्यार्थीलाई विदाई कार्यक्रम गरेको छ। भरतपुर १० को स्मार्ट गार्डेन मा स्वागत तथा विदाई कार्यक्रम गरिएको थियो।


कार्यक्रममा गैंडाकोट नगरपालिकाका नगर शिक्षा अधिकृत रामप्रसाद अधिकारीले विद्यार्थीहरूको गहना अनुशासन भएकाले अनुशासन भएर अगाडि बढ्नुपर्ने बताउनुभएको छ। उहाँले विद्यार्थीहरूलाई अनुशासन पालना गर्दै आफ्नो क्षमता विकास गर्दै अध्ययन र सामाजिक क्षेत्रमा पनि आफूलाई अब्बल बनाउँदै अगाडि बढ्न आग्रह गर्नुभयो। 


यस्तै गरेर कार्यक्रममा हिसान गैंडाकोटका अध्यक्ष एवं विजय सामुदायिक शिक्षा सदन विद्यालय व्यवस्थापन समितिका अध्यक्ष खेमराज सापकोटा,यस्तै गरेर विजय सामुदायिक शिक्षा सदनका अध्यक्ष इन्जिनियर गोपीनाथ खरेल, बिकु बचत तथा ऋण सहकारी संस्था लिमिटेडका अध्यक्ष प्रेमप्रसाद सापकोटा राजुले विद्यार्थीहरूलाई आगामी दिनको सफलता र प्रगतिको शुभकामना दिँदै आफूलाई सामाजिक रूपमा अध्ययन अध्यापनको पक्षमा सफल बनाउँदै अगाडि बढ्न आग्रह गर्नुभयो। विजय सामुदायिक शिक्षा सदनले विद्यालयमा वातावरण बनाइदिएको बताउँदै उहाँले विद्यार्थीहरूको अध्ययनको वातावरणका लागि विद्यार्थीले विभिन्न कामहरू गर्दै आएको पनि जानकारी गराउनुभएको थियो।


कार्यक्रममा स्वागत मन्तव्य विद्यालयका प्रधानाध्यापक चक्रधर पौडेलले राख्नुभएको थियो। उहाँले विद्यार्थी सँगसँगै विद्यार्थीको चाहना र सपना पूरा गर्नका लागि विद्यालयले सोही किसिमको वातावरण बनाएर अगाडि बढेको र आगामी दिनमा पनि परियोजना र  व्यावहारिक शिक्षालाई प्राथमिकता दिँदै अगाडि बढ्ने बताउनुभएको थियो। 


कार्यक्रममा विजय सामुदायिक शिक्षा सहकारी संस्था लिमिटेडका अध्यक्ष परमेश आचार्य, सञ्चालक समिति सदस्य लक्ष्मण कार्की, शिक्षक विद्यार्थीहरूको सहभागिता रहेको थियो।
औपचारिक कार्यक्रमको सञ्चालन विद्यार्थीहरू संसार सापकोटा र कृतिका भण्डारीले गर्नुभएको थियो।
विभिन्न सांगीतिक प्रस्तुति सँगसँगै स्थानीय ब्याण्डले पनि आफ्नो प्रस्तुति राखेको थियो। विद्यार्थीहरू सांगीतिक माहोलमा रमाएका थिए।