एसपीएम कलेज गैंडाकोटको स्वागत, बधाई एवम् बिदाइ कार्यक्रम सम्पन्न

 एसपीएम कलेज गैंडाकोटमा अध्ययनरत कक्षा ११ लाई स्वागत र स्नातक तह तृतीय वर्षका विद्यार्थीले कक्षा १२ र स्नातक तह उत्तीर्ण विद्यार्थीलाई बिदाइ गरेको छ ।

स्वतन्त्र विद्यार्थी युनियनका सभापति विज्ञान न्यौपानेको अध्यक्षतामा सम्पन्न सो कार्यक्रममा गैंडाकोट नगरपालिकाका उपप्रमुख शान्ति कोइरालाले कलेजको प्रगतिमा खुशी व्यक्त गर्दै धेरै टाढाटाढादेखि अध्ययनका लागि आउने विद्यार्थीलाई छात्रावाससहितको व्यवस्था गर्न सहयोग गर्ने प्रतिबद्धता व्यक्त गर्नुभयो ।  कार्यक्रममा कलेज सन्चालक समितिका अध्यक्ष महेन्द्रभक्त अधिकारी, प्राचार्य दीपेन्द्र पौडेल, प्राध्यापक संघ सभापति अर्जुन गिरी, वडा नं २ का सदस्य सकिला परियार, विद्यार्थी नवीन मल्ल लगायतले मन्तव्य राख्नुभएको थियो । प्राध्यापक गोविन्द रिमालको सहजीकरण रहेको सो कार्यक्रममा छात्रा प्रमिला कार्कीले स्वागत गर्नुभएको थियो ।

कार्यक्रममा गैंडाकोट वडा नं ४ का वडाध्यक्ष तेजप्रसाद घिमिरे, वडा नं २ का वडाध्यक्ष प्रकाश सापकोटा, जनक कलेज व्यवस्थापन समितिका अध्यक्ष कमल पराजुली, गैडाकोट खेलकुद समितिका अध्यक्ष लक्ष्मण कार्की, गजलकार निर्दोष जीवन, कलेजका उपाध्यक्ष नीलकण्ठ मरासिनी र कोषाध्यक्ष महेन्द्र कार्कीलगायतको उपस्थिति रहेको थियो । सो समारोहमा गजलकार निर्दोष जीवन, डिजे घोष्ट, द रोजेष्ट ब्याण्डको सांगीतिक प्रस्तुति रहेको थियोे ।