विजयश्रीको आयोजनामा आज तीज गीत प्रतियोगिता हुँदै 

किसान मार्ट सञ्चालक संस्था विजयश्री उपभोक्ता सहकारी संस्थाको आयोजना एवं विजय एफएमको सह आयोजनामा हरितालिका तीजको अवसरमा वडास्तरीय तीज गीत प्रतियोगिताको तयारी पूरा भएको छ । गँैडाकोट ४ मा रहेको किसानमार्टको केन्द्रीय कार्यालयको परिसरमा भदौ ३० गते शनिबार अर्थात आज बृहत तीज गीत प्रतियोगिता हुने छ । 
विहान ११ बजेबाट सुरु हुने प्रतियोगितामा राष्ट्रिय तथा स्थानीय कलाकारहरुको विशेष सांगितिक प्रस्तुती रहने कार्यक्रम संयोजक सरस्वती सापकोटाले बताउनुभयो । प्रतियोगितामा प्रथम पुरस्कार १० हजार रहेको छ । 
द्वितीय पुरस्कार ७ हजार, तृतीय पुरस्कार ५ हजार र सान्त्वना पुरस्कार ३ हजार र सहभागि सबै समूहलाई प्रति समूह १ हजार प्रदान गरिने संयोजक सापकोटाले बताउनुभयो । 
कार्यक्रम संयोजक सापकोटाका अनुसार एक समूहमा ९ जना रहन सक्ने र गीत ७ मिनेटको हुनुपर्ने छ । समूह दर्ता गर्दा शुल्क नलाग्ने समेत कार्यक्रम संयोजक सापकोटाले बताउनुभएको छ ।