गैँडाकोटका प्रहरी निरीक्षक हस्तबहादुर सुनारको सरुवा, कमला नराल आउँदै (५८७ प्रहरी सरुवा सूचीसहित) 

गैँडाकोट । ईलाका प्रहरी कार्यालय गैँडाकोटका प्रमुख, प्रहरी निरीक्षक हस्त बहादुर सुनारको सरुवा भएको छ ।

प्रहरी प्रधान कार्यालयले नियमित सरुवा अन्तर्गत ५८७ प्रहरी निरीक्षकहरुको एकै पटक सरुवा गरेको हो । जसअन्तर्गत सुनारको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर चितवनमा सरुवा भएको हो । 

ईलाका प्रहरी कार्यालय गैँडाकोटमा अब प्रमुखमा प्रहरी निरीक्षक कमला नराल आउनुहुनेछ । नराल काठमाडौँ उपत्यका प्रहरी कार्यालय प्रशासन शाखा रानीपोखरी काठमाडौँबाट सरुवा भइ आउन लाग्नुभएको हो । 

त्यस्तै जिल्ला ट्राफिक प्रहरी कार्यालय कावासोती नवलपुरमा जनकराज बन्जरा आउनुहुने भएको छ । अच्युतराज आचार्यलाई जिल्ला प्रहरी कार्यालय मुगु अपराध नियन्त्रण तथा अनुसन्धान शाखामा सरुवा गरिएको छ  ।

जिल्ला ट्राफिक प्रहरी कार्यालय चितवनमा गायत्रीराज शर्मालाई सरुवा गरेको छ । 
 

हेर्नुहोस् सूची