गण्डकी सहकारीद्वारा निःशुल्क स्वास्थ्य शिविर सम्पन्न

नवलपरासी पूर्व, १५ मंसिर । गण्डकी बचत तथा ऋण सहकारी संस्था लिमिटेडद्वारा आयोजना गरिएको निशुल्क स्वास्थ्य शिविर कार्यक्रम गैंडाकोट नगरपालिकाको बिकट क्षेत्र वडानं १८ मा पर्ने बिरेन्द्र आधारभुत बिद्यालयको परिसरमा सम्पन्न भयो । स्वास्थ्य सेवाको सुलभ पहुँच नभएको वसेनी, डोडे, हात्तीसाल क्षेत्रका वासिन्दाको लागि लक्षित गरि संचालन गरिएको शिविरमा १२० जनाले स्वास्थ्य सेवा लिएका थिए । स्त्रीरोग बिशेषज्ञ डा. रमेश पौडेल, बालरोग बिशेषज्ञ डा.बद्री सापकोटा, जनरल फिजिसियन डा.भुवन पौडेलको चिकित्सक समुहले स्वास्थ्य परिक्षण गर्नुभएको शिबिरमा स्वास्थ्य परिक्षण,उच्च रक्तचाप एवं मधुमेह परिक्षण एवं निशुल्क औषधि समेत उपलब्ध गराईएको थियो ।

 
संस्थाका अध्यक्ष गोबिन्द सुबेदीको अध्यक्षता र गैंडाकोट नगरपािलका वडानं १८ का वडा सदस्य कर्णबहादुर माकिमको प्रमुख आतिथ्यतामा संचालन भएको कार्यक्रममा संस्थाका सल्लाहकार संयोजक पोषणराज सुबेदी, सल्लाहकार शान्ति सापकोटा, सचिव केशवराज शर्मा, कोषाध्यक्ष एवं स्वास्थ्य उप समिति संयोजक शकुन्तला न्यौपाने,  संचालक सदस्य विष्णु पौडेल, स्वास्थ्य उप समितिका सदस्यहरु टुकराम सुबेदी,हिरामणी शर्मा, उमा आचार्य, नवल सेवाकेन्द्र व्यवस्थापन उप समितिका सदस्य इन्द्रप्रसाद कंडेल, समाजसेवी गुप्तप्रसाद रेग्मी, बिद्यालय व्यवस्थापन समितिका अध्यक्ष रामप्रसाद सारु, बसेनी टोल बिकास संस्थाका अध्यक्ष पासराम आले , बिद्यालयका शिक्षक, महिला स्वंसेवीकाहरुको सहभागिता रहेको थियो । 

कार्यक्रमको अन्त्यमा स्वाथ्य परिक्षणमा सहयोग गर्नुहुने डाक्टर, प्राबिधिक, औसधी उपलब्ध गराई सहयोग गर्नुहुने औसधि बिक्रेता एवं कम्पनीहरुलाई प्रशंशापत्र र मायाको चिनो उपलब्ध गराइएको थियो ।  गैंडाकोट नगरपािलका कार्यक्षेत्र रहेको संस्थाको हाल १७००० भन्दा बढी सदस्य १ अर्व १२ करोड वासलात, ७ वटा सेवा केन्द्र कार्यालयहरु, ३६ जना कर्मचारी रहेका छन् भने संस्थाले हरेक वर्ष सामुदाियक उत्तरदायित्व अन्तरगत यस्ता प्रकारका सामाजिक कार्यक्रमहरु संचालन  गर्ने गरेको छ ।