नारायणीले बगाएका पुरुषको अचेत अवस्थामा उद्दार,भरतपुर अस्पतालमा उपचार हुँदै

नारायणी नदिले बगाएको एक पुरुषको उद्दार गरिएको छ । चितवनको भरतपुर महानगरपालिका २० भिमनगर बस्ने ७९ वर्षीया पूर्णचन्द्र अर्याललाई प्रहरी पोष्ट शारदानगरबाट खटिएको प्रहरी टोलीले उद्दार गरेको हो ।

आज (शनिबार) बिहान १०ः ४० बजे महानगरपालिका १७ मझुवा वनको नारायणी नदि किनारबाट अर्यालको उद्दार गरिएको जिल्ला प्रहरी कार्यालय चितवनले जानकारी दिएको छ । प्रहरीका अनुसार अचेत अवस्थामा उद्दार गरिएका अर्याललाई उपचारका लागि भरतपुर अस्पताल पठाइएको छ । अर्यालको उपचारको लागि उनका छोरा पुरुषोत्तम अर्याल खटिएको प्रहरीले जनाएको छ ।